tsùaⁿ-kâi ūe, chiũ-sĩ tõ buān-khûn kâi Tsú Iâ-hô-hûa kâi tshù pàng tī-kha lâi kiēn tōiⁿ-tn̂g, hṳ́-ji̍t só-ũ kâi soiⁿ-tsai nâng, taⁿ nín thiaⁿ in-kâi ūe nín-kâi chhiú tie̍h hùn-la̍t. [10] In-ũi tõ hṳ́-kâi sî-ji̍t tsṳ-soiⁿ, nâng kâi kang-ta̍t tou bô, iā bô ũ cheng-seⁿ kâi kang-ta̍t; nâng ho̍k tshut ho̍k ji̍p, ũi-tie̍h chhiû-te̍k tou bô phêng-an: in-ũi uá ũ-sái kak-nâng tùi-te̍k i-kâi tshù-piⁿ. [11] Nā-sĩ taⁿ uá m̄ chhin-chhiẽⁿ hṳ́ chiēⁿ-ji̍t hièⁿ-seⁿ thãi chí-kâi peh-sèⁿ só-tshûn kâi nâng, chiũ-sĩ buān-khûn kâi Tsú Iâ-hô-hûa só-tàⁿ. [12] In-ũi chiang-lâi pit ũ hûa-phêng kâi chéng-chí, phû-thô pit seⁿ i-kâi kúeⁿ, thóu-tī iā pit tshut i-kâi mue̍h-súaⁿ, thiⁿ iā pit kàng i-kâi lōu-tsúi, uá iā chiũ sái chí-kâi peh-sèⁿ só-tshûn kâi nâng tit chí che̍k-khài tsò in-kâi ngia̍p.
[13] Iáu, chhin-chhiēⁿ nín Iû-tã kâi ke a, kũa Íⁿ-sek-lie̍t kâi ke a, soiⁿ tõ lie̍t-pang
